سوشل میڈیا شہرت یافتہ دیوہیکل شارک اپنے انجام کو پہنچی

کینبرا: آسٹریلیا کے سرفنگ کے لیے مشہور ساحل پردہشت پھیلانے والی دیو قیامت خوں آشام شارک اپنے انجام کو پہنچ گئی‘ مذکورہ شارک کی ایک تصویر سوشل میڈیا پر...

کینبرا: آسٹریلیا کے سرفنگ کے لیے مشہور ساحل پردہشت پھیلانے والی دیو قیامت خوں آشام شارک اپنے انجام کو پہنچ گئی‘ مذکورہ شارک کی ایک تصویر سوشل میڈیا پر پہلے ہی وائرل ہوچکی ہے۔

تفصیلا ت کے مطابق آسٹریلیا کے علاقے نیو ساؤ تھ ویلز کے گاؤں لینوکس ہیڈ کے ساحل پر ایک خوش آشام شارک کی موجودگی نے دہشت پھیلا رکھی تھی‘ شارک کی موجودگی کے سبب سرفنگ کے شوقین افراد گہرے پانی میں جانے سے گریز کررہے تھے۔

تاہم اب ان کا خوف دور ہوگیا ہے کہ کیونکہ اٹھارہ فٹ طویل یہ دیو قامت شارک ماری جاچکی ہے۔مری ہوئی شارک کو ایک کشتی کے ذریعے لینوکس ہیڈ کے ساحل پر منتقل کیا گیا۔

میتھیو نامی ایک شخص نے دعویٰ کیا ہے کہ اس نے خطرناک شارک کا شکار کیا ہے‘ مذکورہ شخص کا کہنا ہےکہ وہ ایک چھ فٹ کی ہیمر ہیڈ شارک کا شکار کررہا تھا کہ یہ بڑی شارک اچانک نمودار ہوئی اور چھوٹی شارک کو کھاگئی‘ شارک جب اپنے شکار کے ساتھ مشغول تھی اس وقت میں اسے شارک کو نشانہ بنانے کا موقع مل گیا۔

سات میل طویل یہ ساحل سرفنگ کے لیے مشہور ہے ‘ تاہم آسٹریلیا کے اس ساحل پر کئی مرتبہ شارک کو دیکھا گیا تھا اور حملوں کے واقعات بھی پیش آئے تھے۔

کہا جارہا ہے کہ اس شارک کی ایک تصویر سوشل میڈیا پر بہت وائرل ہوئی تھی‘ اس وقت یہ شارک زندہ تھی اور پورے طمطراق کے ساتھ سمندر میں دندناتی پھرتی تھی تاہم اب یہ خطرہ نہیں رہا۔

قالب وردپرس

Loading...
Categories
مزید
No Comment

Leave a Reply

RELATED BY