نوازشریف بھی لیاقت علی خاں کا ریکارڈ توڑنے میں ناکام

کراچی: تین بار وزیراعظم منتخب ہونے والے میاں نواز شریف بھی شہیدِ ملت لیاقت علی خاں کا پاکستان میں سب سے طویل عرصہ وزارتِ عظمیٰ کے منصب پر فائز...

کراچی: تین بار وزیراعظم منتخب ہونے والے میاں نواز شریف بھی شہیدِ ملت لیاقت علی خاں کا پاکستان میں سب سے طویل عرصہ وزارتِ عظمیٰ کے منصب پر فائز رہنے کا ریکارڈ توڑنے میں ناکام رہے۔

معروف محقق اور اردو لغت بورڈ کے سربراہ عقیل عباس جعفری کا کہناہے کہ شہید ملت لیاقت علی خان کا چار سال دو ماہ اور ایک دن وزیر اعظم رہنے کا ریکارڈ آج بھی برقرار ہے اور دو تہائی اکثریت سے وزیراعظم منتخب ہونے والے میاں محمد نواز شریف بھی اس ریکارڈ کو نہیں توڑسکے۔

Nawaz Sharif tenure

اردو لغت بورڈ کے سربراہ عقیل عباس جعفری

دل چسپ بات یہ ہے کہ سابق وزیر اعظم یوسف رضا گیلانی 26 مئی 2012 کو لیاقت علی خان کا یہ ریکارڈ توڑنے میں کامیاب ہوگئے تھے اورپیپلز پارٹی کی حکومت نے اس

سلسلے میں قومی اخبارات میں اشتہارات بھی چھپوادئیے تھے۔

ہاتھ اور پیروں سے معذور نوجوان باڈی بلڈر بن گیا

لیکن 20 جون 2012 کو جب سپریم کورٹ آف پاکستان نے انہیں 26 اپریل 2012 کی پرانی تاریخ سے معزول قرار دیا تو ان کا یہ ریکارڈ خود بہ خود ختم ہوگیا اور لیاقت علی خان کا سب سے زیادہ مدت تک وزیراعظم رہنے کا ریکارڈ بحال ہوگیا۔

مسلم لیگ ن کے سربراہ میاں محمد نواز شریف جو 5 جون 2013 کوحلف اٹھا کر وزیر اعظم بنے تھے‘ لیاقت علی خاں کا یہ ریکارڈ توڑنے کے انتہائی قریب پہنچ گئے تھے کہ آج 28 جولائی 2017 کو سپریم کورٹ آف پاکستان نے انہیں ان کے عہدے سے برطرف کردیا گیا۔

نواز شریف اپنی اس مدت میں چار سال ایک ماہ اور 23 دن تک وزیر اعظم رہے اور یوں محض آٹھ دن کے فرق سے وہ بھی یہ ریکارڈ توڑنے میں ناکام ہوگئے ۔

دبئی میں بیکری نے گیم آف تھرون کیک تیارکرلیا، قیمت 27 لاکھ روپے

خیال رہے کہ سپریم کورٹ آف پاکستان کے لارجر بنچ نے آج وزیراعظم نواز شریف کو پاناما کیس میں نا اہل قرار دیتے ہوئے الیکشن کمیشن کو فی الفور نا اہلی کا نوٹس جاری کرنے کا حکم صادر کیا ہے جس کے بعد نواز شریف ایک بار پھر سابق وزیراعظم ہوگئے ہیں۔

قالب وردپرس

Loading...
Categories
دلچسپ و عجیب

RELATED BY