بھارتی نوجوان کا منیبہ مزاری کو انوکھا خراج تحسین

معروف مصورہ اور اقوام متحدہ پاکستان کی خیر سگالی سفیر منیبہ مزاری ایک جانی پہچانی شخصیت ہیں۔ معذوری کے باوجود بلند اور قد آور شخصیت کی مالک اس خوبصورت...

معروف مصورہ اور اقوام متحدہ پاکستان کی خیر سگالی سفیر منیبہ مزاری ایک جانی پہچانی شخصیت ہیں۔ معذوری کے باوجود بلند اور قد آور شخصیت کی مالک اس خوبصورت فنکارہ نے جہاں دنیا بھر کے لوگوں کو متاثر کیا وہیں وہ ایک بھارتی لڑکے کی زندگی بھی تبدیل کرنے کا باعث بن گئیں۔

گو کہ انہیں روز ہی ایسے پیغامات موصول ہوتے ہیں جن میں مختلف پریشانیوں کا شکار لوگ انہیں بتاتے ہیں کہ منیبہ کی جدوجہد نے انہیں بہت متاثر کیا اور انہوں نے نئے حوصلے سے اپنی زندگی کا نئے سرے سے آغاز کیا۔

تاہم ایک بھارتی نوجوان نے نہایت انوکھے انداز میں منیبہ کو خراج تحسین پیش کیا۔

بھارتی ریاست تامل ناڈو سے تعلق رکھنے والے اس نوجوان نے اپنی اسکوٹی پر منیبہ کی تصویر چپساں کی اور منیبہ کو پیغام بھیجا کہ آپ کی کہانی سننے اور ویڈیو دیکھنے کے بعد میری زندگی بالکل تبدیل ہوگئی ہے۔

مزید پڑھیں : کپل شرما:جب اداکار شہ سرخیوں بنا دیا

مزید پڑھیں : رانی مکھرجی کے والد چل بسے، اداکارہ صدمے سے دوچار

اس نے اعتراف کیا کہ منیبہ کے حوصلہ افزا الفاظ نے اس کی ہمت بندھائی اور اس نے خود سے محبت شروع کردی۔

جواب میں منیبہ نے نوجوان کے لیے بے حد خوشی، محبت اور نیک تمناؤں کا اظہار کیا۔

یاد رہے کہ منیبہ مزاری مصورہ اور سماجی کارکن ہونے کے ساتھ ساتھ ایشیا کی وہ پہلی خاتون ٹی وی میزبان ہیں جنہوں نے پاکستان کے سرکاری ٹیلی ویژن نیٹ ورک کے پروگرام کی میزبانی کی۔

وہ رواں برس برطانوی نشریاتی ادارے بی بی سی کی 100 متاثر کن خواتین کی فہرست میں بھی اپنی جگہ بنا چکی ہیں جبکہ سنہ 2015 میں اقوام متحدہ پاکستان نے انہیں اپنا خیر سگالی سفیر بھی مقرر کیا۔

مزید پڑھیں: میرے لیے رشتہ ڈھونڈنا والدین کا کام ہے، میرا

مزید پڑھیں: سنبل اقبال کا اگلا ڈرامہ ایک تھی رانیہ

منیبہ ایک قدامت پسند بلوچ گھرانے سے تعلق رکھتی تھیں اور صرف 18 برس کی عمر ان کی شادی کردی گئی۔ 9 سال قبل ایک ٹریفک حادثے میں وہ اپنی دونوں ٹانگوں سے معذور ہونے کا باعث وہیل چیئر تک محدود ہوگئیں اور اسی باعث ان کے شوہر نے بھی ان سے علیحدگی اختیار کرلی۔

تاہم منیبہ نے اپنے عزم اور حوصلے سے نئے سرے سے زندگی کا آغاز کیا اور معذوری کو اپنی راہ کی رکاوٹ نہیں بننے دیا۔

Loading...
Categories
خواتین

RELATED BY