ایم کیو ایم کو دفن کرنے کیلئے ہر حربہ استعمال کریں گے، مصطفیٰ کمال

چیئرمین پی ایس پی مصطفیٰ کمال نے کہا ہے کہ ایم کیو ایم سب کیلئے خطرہ ہے، اسے دفن کرنے کیلئے ہر حربہ استعمال کریں گے۔ اس کے پاس...

چیئرمین پی ایس پی مصطفیٰ کمال نے کہا ہے کہ ایم کیو ایم سب کیلئے خطرہ ہے، اسے دفن کرنے کیلئے ہر حربہ استعمال کریں گے۔ اس کے پاس آج بھی بانی ایم کیو ایم کا مینڈیٹ ہے۔

پاکستان ہاؤس کراچی میں پاک سر زمین پارٹی نے مرکزی الیکشن سیل آفس کا افتتاح کرتے ہوئے الیکشن سرگرمیوں کا اغاز کردیا ہے۔ تقریب سے خطاب کرتے ہوئے چیئرمین پی ایس پی مصطفیٰ کمال نے کہا کہ اب ایک ایک نہیں بلکہ ایم این اے اور ایم پی اے کی پوری لاٹ اٹھائیں گے۔ ایم کیو ایم کے کارناموں سے مہاجروں سمیت سب کو خطرہ ہے، اسے دفن کرنے کیلئے کوئی بھی طریقہ اپنائیں گے۔

مصطفیٰ کمال نے فاروق ستار کو تنقید کا نشانہ بناتے ہوئے کہا کہ خود تو جاکر ٹھاکر کی لانڈری میں دھل کر آگئے۔ غدار وطن گئے تھے اور لیڈر بن کر آگئے۔ ٹھاکر کی لانڈری سے دھلنے والے ہمیں کس منہ سے ایجنسیوں کا آدمی کہتے ہیں۔

مصطفیٰ کمال نے کہا کہ ایم کیو ایم نے برائے فروخت کا بورڈ لگا رکھا ہے۔ کل تک نااہل وزیراعظم کو ووٹ دینے والے اج کسی اور کو ووٹ دینے کو تیار ہیں۔

انہوں نے ایم کیو ایم کا مینڈیٹ بھی بانی ایم کیو ایم کے بعد انیس قائم خانی اور حماد صدیقی کا قرار دے دیا۔

تقریب سے سیکریٹری جنرل پی ایس پی رضا ہارون ڈاکٹر صغیر اور ارشد ووہرہ نے بھی خطاب کیا۔ اس موقع پر الیکشن سیل کے انچارج محمد دلاور نے الیکشن سیل کی سرگرمیوں سے آگاہ کیا۔

قالب وردپرس

Loading...
Categories
پاکستان

RELATED BY