چائے کے ساتھ مزیدار چکن کپ کیک بنانے کی ترکیب

0

کپ کیک بچوں اور بڑوں سب ہی کو پسند ہوتے ہیں۔ شام کی چائے کے ساتھ اگر نمکین چکن کپ کیک بنائے جائیں تو یہ چائے کا لطف دوبالا کردیں گے۔

بریڈ سلائسز: 12 عدد

مکھن: 4 کھانے کے چمچ

لہسن: حسب ذائقہ

نمک: حسب ذائقہ

کالی مرچ: حسب ذائقہ

چکن: ایک کپ ابلی اور ریشہ کی ہوئی

بند گبھی: آدھا کپ فرائی کی ہوئی

ہرا دھنیہ: آدھا کپ

ہری مرچ: 2 کھانے کے چمچ

سرکہ: 1 کھانے کا چمچ

سویا سوس: 2 کھانے کے چمچ

موزریلا چیز: ایک کپ


گول کوکی کٹر کی مدد سے بریڈ سلائس کو بیچ سے کاٹ کر کنارے الگ کرلیں۔

اب مکھن کو پگھلا کر نمک اور کالی مرچ شامل کریں۔

مکھن والے آمیزے سے کپ کیک ٹرے کو برش کریں۔

اب بریڈ سلائس کو کپ کیک ٹرے میں رکھیں۔

مکھن کو پگھلا کر چکن شامل کر کے اسٹر فرائی کرلیں۔

پھر اس میں ہری مرچ، نمک، کالی مرچ، سرکہ، سویا سوس، بند گوبھی اور ہرا دھنیہ شامل کریں۔

چکن کے ساتھ کپ کیک بیس میں ڈال کر اوپر سے موزریلا چیز ڈالیں۔

اب اسے 180 ڈگری سینٹی گریڈ پر 10 سے 15 منٹ یا گولڈن ہونے تک اوون میں بیک کریں۔

مزیدار چکن کپ کیک تیار ہیں۔