رہائش کے لیے اب پرآسائش پائپ کا انتخاب کریں

ہانگ کانگ کی ایک کمپنی نے نکاسی آب کے پائپ کو پرآسائش رہائشی مکانوں میں تبدیل کردیا۔ ہانگ کانگ میں اب کنکریٹ کے پائپ میں مکان بنائے جا رہے...

ہانگ کانگ کی ایک کمپنی نے نکاسی آب کے پائپ کو پرآسائش رہائشی مکانوں میں تبدیل کردیا۔

ہانگ کانگ میں اب کنکریٹ کے پائپ میں مکان بنائے جا رہے ہیں۔ صرف ڈھائی میٹر کے قطر پر محیط اوپوڈ ٹیوب ہاؤس نامی یہ مکان سائز میں تو بہت چھوٹے ہیں لیکن انتہائی شاندار اور پر آسائش ہیں۔

کنکریٹ پائپ سے بنے مکان میں دو افراد رہ سکتے ہیں۔ گھر کے اندر صوفہ کم بیڈ،ایک چھوٹا فریج، شاور کے ساتھ باتھ روم اور کپڑوں کے لیے بھی جگہ مخصوص ہے۔

ان مکانوں کے لیے نہ زمین خریدنے کی ضرورت ہے اور نہ ہی سرمایہ درکار ہے۔ ان ٹیوبس میں تعمیر مکانات کو سڑک کنارے بھی تعمیر کیا جاسکتا ہے۔

تجزیہ کاروں کا کہنا ہے کہ ہانگ کانگ میں بڑھتی ہوئی آبادی کے سبب تابوت جیسے مکانات عام ہیں جہاں سونے کی جگہ، کچن اور باتھ روم ایک ہی جگہ بنے ہوتے ہیں۔ ایسے افراد کے لیے پائپ میں بنے ہوئے یہ مکانات خوشگوار ہوا کا جھونکا ثابت ہوں گے۔

Loading...
Categories
سائنس و ٹیکنالوجی

RELATED BY