Urdu Khabrain
Urdu Khabrain is the world most populated Urdu News website. You can find and read daily Urdu news.

مزیدار افغانی قورمہ بنانے کی ترکیب

8

افغانی قورمہ کو پکانے کا انداز عام قورمے سے مختلف ہوتا ہے۔ اس میں اشیا کو پہلے ابالا جاتا ہے پھر انہیں پکایا جاتا ہے یہی وجہ ہے کہ اس کا ذائقہ بھی عام قورمے سے مختلف ہوتا ہے۔

آج ہم آپ کو مزیدار افغانی قورمہ بنانے کی ترکیب بتا رہے ہیں۔

بکرے کا گوشت ابلا ہوا اور یخنی کے ساتھ: آدھا کلو

تیل: 1 چوتھائی کپ

پیاز کٹی ہوئی: 2 عدد

ادرک لہسن کا پیسٹ: 1 کھانے کا چمچ

نمک: 1 چائے کا چمچ

لال مرچ پسی ہوئی: 1 چائے کا چمچ

ثابت لال مرچ: 8 عدد

دہی: 1 کپ

لیموں کا رس: 1 کھانے کا چمچ

کیوڑا: 1 چائے کا چمچ

گرم مصالحہ: آدھا چائے کا چمچ

سب سے پہلے تیل گرم کر کے اس میں پیاز کو ہلکا سنہری کرلیں۔

اب اس میں ادرک لہسن کا پیسٹ، نمک اور پسی ہوئی لال مرچ شامل کر کے اچھی طرح فرائی کرلیں۔

اس کے بعد گوشت کو یخنی، ثابت لال مرچ اور دہی کے ساتھ شامل کر کے 10 منٹ پکائیں اور مسلسل چمچ چلاتے رہیں۔

اب اسے ہلکی آنچ پر مزید 10 منٹ کے لیے دم پر رکھیں۔

آخر میں لیموں کا رس، کیوڑا اور گرم مصالحہ ڈال کر نکال لیں۔

گرما گرم مزیدار افغانی قورمہ تیار ہے۔

جواب چھوڑیں

آپ کا ای میل ایڈریس شائع نہیں کیا جائے گا.