Urdu Khabrain
Urdu Khabrain is the world most populated Urdu News website. You can find and read daily Urdu news.

کرپشن کے خلاف جہاد جاری رکھیں گے،نوازشریف کو رواں ماہ سزا ہوجائیگی،جہانگیر ترین

2

لودھراں(نیوزڈیسک ):پاکستان تحریک انصاف کے مرکزی رہنما نے رواں برس نواز شریف کو سزا ملنے کا عندیہ دے دیا۔جہانگیر ترین کا کہنا تھا کہ کرپشن کے خلاف جہاد جاری رکھیں گے،نوازشریف کو رواں ماہ سزا ہوجائیگی۔تفصیلات کے مطابق جہانگیر ترین نے کوٹلی موڑ لودھراں میں جلسہ عام سے خطاب کرتے ہوئے کہا ہے کہ میں نے کوئی غلط کام

نہیں کیا، نااہلی کے فیصلے سے بہت دکھ ہوا۔میں نے 2011ء میں ملک سے باہر ایک گھر خریدا تھا مگر وکیل کے کہنےپر مکان بچوں کے کھاتوں میں لکھوا دیا۔ میں نے سارا حساب دیا اور پیسہ بھی جائز تھا۔انکا کہنا تھا کہ نوازشریف کی کرپشن کے ثبوت لینے 8 بار ملک سے باہر گیا۔ انتخابات 2018 میں تحریک انصاف کی حکومت ہوگی، اقتدار میں آتے ہی سب سے پہلے پولیس کو ٹھیک کریں گے۔ جب پولیس ٹھیک ہوگی تو آدھا ملک ٹھیک ہوگا۔ جہانگیر ترین نے کہا کہ نااہلی کے فیصلے کے خلاف اپیل دائر کی ہے امید ہے انصاف ملے گا‘ نواز شریف کو رواں ماہ کے آخر تک سزا ہوجائے گی، ہم کرپشن کے خلاف جہاد جاری رکھیں گے۔

جواب چھوڑیں

آپ کا ای میل ایڈریس شائع نہیں کیا جائے گا.