وفاقی وزیر اطلاعات و نشریات فواد چوہدری نے کہا ہے کہ الیکٹرانک ووٹنگ مشین (ای وی ایم) پر الیکشن کمیشن کے تمام اعتراضات دور ہوچکے ہیں۔

 اردو خبریں کے پروگرام ’نیا پاکستان‘ میں گفتگو کے دوران فواد چوہدری نے کہا کہ این اے 133 اور دیگر ضمنی الیکشن میں ہمیں چاہیے کہ ای وی ایم استعمال کریں۔

انہوں نے کہا کہ پارلیمنٹ فیصلہ دے چکی ہے، اگلے انتخابات الیکٹرانک مشین پر ہوں گے، الیکشن کمیشن اگلے انتخابات کے لئےتیاریاں کرے، مشکلات دور کرلی جائیں گی۔

وفاقی وزیر نے مزید کہا کہ الیکشن کمیشن کے تمام اعتراضات دور ہوچکے ہیں، اگر کوئی اور اعتراض ہے تو وہ بھی دور ہوجائے گا۔

اُن کا کہنا تھا کہ دنیا میں بے شمار کمپنیاں الیکٹرانک ووٹنگ مشینیں بناتی ہیں، الیکشن کمیشن اشتہار دے بہت سی کمپنیاں آجائیں گی۔

فواد چوہدری نے یہ بھی کہا کہ موبائل فون چلانے والے کو مشین کےلئے خاص ٹریننگ کی ضرورت نہیں ہوگی۔

انہوں نے کہا کہ امریکا میں بہت عرصے سے ای وی ایم استعمال ہورہا ہے لیکن آئی ووٹنگ نہیں ہے، انٹرنیٹ ووٹنگ کی سہولت دینے والا پاکستان پہلا ملک ہوگا، جس کا پروسیجر مکمل ہے۔

_____________________________________________________________

مردم شماری کی حمایت پر GDA ،MQM سے پوچھیں: سعید غنی

ٹی ایل پی سربراہ سعد رضوی کو رہا کردیا گیا

عمران خان پاکستان کی سیاست کا غیر ضروری عنصر ہے، فضل الرحمان