جہانگیر ترین گروپ کا اعلان سامنے آتے ہی شاہ محمود قریشی کی ٹیم میدان میں آگئی

On مئی 19, 2021

پاکستان تحریک انصاف کے رہنما جہانگیر ترین کی جانب سے قومی اور پنجاب

اسمبلی میں اپنے علیحدہ گروپ کا اعلان کردیا گیا ہے جس کے بعد وزیر خارجہ شاہ

محمود قریشی کی ٹیم میدان میں آگئی ہے۔

تحریک انصاف میں دو گروپ شروع سے ہی متحرک رہے ہیں جن میں سے ایک کی

قیادت شاہ محمود قریشی کے پاس ہے جب کہ دوسرے گروپ کو جہانگیر ترین لیڈ

کرتے ہیں۔ دونوں گروپوں میں پارٹی کے اندر اختیارات کیلئے رسہ کشی کا سلسلہ

جاری رہتا ہے جس کا ایک مظاہرہ آج بھی دیکھنے میں آیا ہے۔

جہانگیر ترین گروپ نے قومی اور پنجاب اسمبلی میں تحریک انصاف سے ہٹ کر اپنے

گروپ کا اعلان کیا تو شاہ محمود قریشی گروپ وزیر اعظم عمران خان کے ساتھ کھڑا

ہوگیا۔ ٹیم شاہ محمود قریشی کے نام سے چلنے والے ٹوئٹر اکاؤنٹ سے “کپتان ہم آپ

کے ساتھ ہیں” (#BehindYouSkipper)کے نام سے ہیش ٹیگ شروع کیا گیا ہے

#BehindYouSkipper @ImranKhanPTI

— Team SMQ (@TeamSMQ) May 18, 2021

جہانگیر ترین نے اپنے ہم خیال گروپ کے اراکین قومی و پنجاب اسمبلی

کو عشائیے پر بلایا تھا جس میں طے کیا گیا کہ ہم خیال گروپ دونوں ایوانوں میں اپنی

پاور شو کرے گا۔ جہانگیر ترین گروپ کی جانب سے فیصل آباد سے تعلق رکھنے

والے ایم این اے راجہ ریاض کو قومی اسمبلی میں جبکہ بھکر سے تعلق رکھنے

والے سعید اکبر نوانی کو پنجاب اسمبلی میں پارلیمانی لیڈر مقرر کیا گیا ہے۔

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ