پنج شیر پر حملہ ناکام بنادیا، سابق افغان وزیر دفاع، پنج شیر ہمارے محاصرے میں ہے، طالبان

سابق افغان وزیر دفاع نے وادی پنج شیر پر طالبان کا حملہ ناکام بنانے اور 34 طالبان جنگجوؤں کو ہلاک کرنےکا دعویٰ کیا ہے۔

دوسری جانب طالبان رہنما کا کہنا ہے کہ پنج شیر اب طالبان جنگجوؤں کے محاصرے میں ہے، مسئلہ اب بھی پرامن طریقے سے حل کرنا چاہتے ہیں۔ 

ادھر قطر نے طالبان پر افغانستان سے نکلنے کے خواہشمند افراد کو محفوظ راستہ دینے پر زور دیا ہے۔

علاوہ ازیں برطانیہ اورطالبان نمائندوں کے درمیان افغانستان سے مزید برطانوی شہریوں اور افغانوں کے انخلا سے متعلق مذاکرات جاری ہیں۔

ڈاؤننگ اسٹریٹ کے ترجمان نے امریکی میڈیا کو بتایا ہے کہ وزیراعظم بورس جانسن کے خصوصی نمائندے سائمن گاس نےدوحا کا دورہ کیا ہے اور وہ سینئر طالبان نمائندوں سے ملاقات کررہے ہیں۔