جناح اسپتال میں پیدائش کے ایک گھنٹے بعد ہی بچی اغوا

جناح اسپتال کراچی کے گائینی وارڈ میں رات گئے نوزائیدہ بچی کو ایک خاتون لے اڑی۔ پولیس کا کہنا ہے کہ واقعہ کی سی سی ٹی وی فوٹیج حاصل کرلی ہے، اغوا کار خاتون کی تلاش جاری ہے۔

جناح اسپتال کے شعبہ زچہ بچہ میں رات ایک بجے آپریشن کے ذریعے پیدا ہونے والی بچی کو رات 2 بجے خاتون اغوا کرکے لے گئی۔

اسپتال حکام کے مطابق ماں کے سونے کے بعد بچی مبینہ طور پر اغوا ہوئی ہے، جس کے بعد والدین نے پولیس کو اسپتال میں طلب کرلیا۔

پولیس نے واقعہ کی سی سی ٹی وی فوٹیج حاصل کرلی، فوٹیج میں خاتون کو اسپتال کے مین گیٹ سے نکلتے اور مختلف راستوں پر چلتے دیکھا جا سکتا ہے، جبکہ فوٹیج میں خاتون کے ہاتھ میں بچی بھی دیکھی جاسکتی ہے۔

سینئر سپرنٹنڈنٹ آف پولیس (ایس ایس پی) ضلع جنوبی اسد رضا کہتے ہیں بچی کے والدین بلدیہ یوسف گوٹھ کی رہائشی ہیں۔ والد محمد اسماعیل سے پولیس رابطےمیں ہے۔

 سی سی ٹی وی فوٹیج کی مدد سے خاتون کی تلاش جاری ہے جبکہ والدین اسپتال انتظامیہ کےخلاف مقدمہ درج کروانا چاہتے ہیں۔

__________________________________________________________________

وزیرِ اعلیٰ مراد علی شاہ نے سندھ کا 2 کھرب 244 ارب روپے کا بجٹ پیش کر دیا،