اپوزیشن لیڈر سندھ اسمبلی اور پاکستان تحریک انصاف (پی ٹی آئی) کے رہنما حلیم عادل شیخ اور ایم پی اے دعا بھٹو کے گھر بیٹے کی ولادت ہوئی ہے۔
بیٹے کی ولادت پرحلیم عادل شیخ نے اپنی پارٹی کی ایم پی اے دعا بھٹو سے دوسری شادی کی تصدیق کرتے ہوئے کہا کہ یہ ذاتی معاملہ ہے۔ شادی 2018 کے الیکشن کے بعد کی۔
سوشل میڈیا پر پی ٹی آئی کی رکن سندھ اسمبلی دعا بھٹو نے اپنے نومولود بیٹے کے ساتھ تصاویر شیئر کی ہیں ان تصاویر کے پیچھے لگے بیک ڈراپ میں کامل حلیم شیخ تحریر ہے۔
اس سلسلے میں اردوخبریں کے رابطہ کرنے پر سندھ اسمبلی میں اپوزیشن لیڈر حلیم عادل شیخ نے کہا کہ انہوں نے دعا بھٹو سے شادی کی ہے اور ان کے گھر بیٹے کی ولادت ہوئی ہے۔
حلیم عادل شیخ نے کہا کہ یہ ان کا ذاتی معاملہ ہے اور وہ جب چاہتے اپنی شادی کو ظاہر کر سکتے تھے۔ ان کا کہنا تھا کہ ان کی دعا بھٹو سے شادی 2018 کے الیکشن کے بعد ہوئی ہے۔
دوسری جانب پاکستان پیپلز پارٹی کے رہنما و صوبائی وزیر تیمور تالپور نے حلیم عادل شیخ کو مبارکباد دی ہے، ان کا کہنا ہے کہ سیاست سے بالاتر ہوکر حلیم عادل شیخ کو شادی اور بھتیجے کی مبارکباد دیتا ہوں۔
سیاست کو بالاتر رکھتے ہوئے میں حلیم عادل شیخ کو شادی اور بھتیجے کی مبارکباد دیتا ہوں. بس دکھ اس چیز کا ہوا کہ حلیم عادل نے شادی کی دعوت نہیں دی ورنہ میں بھی ولیمے میں شرکت کر لیتا.
— Taimur Talpur (@TalpurTaimur) September 24, 2021
__________________________________________________________________
رمیز راجا پی ایس ایل کو مستحکم برانڈ بنانے کیلئے پرعزم
پاکستان اور امریکا کا افغانستان میں وسیع البنیاد حکومت کے قیام پر زور
شارع فیصل پر بارش کے پانی میں کھڑے ہوکر خرم شیر زمان کی سندھ حکومت پر تنقید