چوہدر ی نثار کا ن لیگ سے کوئی تعلق نہیں، مریم نواز

مسلم لیگ( ن) کی نائب صدر مریم نواز نے کہا ہے کہ چوہدر ی نثار کا مسلم لیگ ن سے کوئی تعلق نہیں ہے، میں کسی ایسے شخص کے بارے بات نہیں کرسکتی جس کی کوئی قانونی حیثیت نہیں ہے۔  مریم نوازکا کہنا تھا کہ شہبازشریف نے گزشتہ روزبطوراپوزیشن لیڈر اراکین اسمبلی کو عشائیہ دیا ہے جس کا مقصد بجٹ پر مشاورت اور حکومت کی عوام مخالف پالیسیوں پر گفتگو تھی۔میں کوئی پارلیمنٹیرین نہیں ہوں اس لئے میری شرکت ضروری نہی تھی ، جہاں شہباز شریف موجود ہوں وہاں میرا موجود ضروری نہیں ہے او ر میری موجودگی نہ ہونے کو ایشو بھی نہیں بنایا جانا چاہئے۔ مریم نواز نے کہا کہ پاکستان ڈیموکریٹک موومنٹ (پی ڈی ایم ) میں کوئی نیا اتحاد تشکیل نہیں دیا جارہا اور نہ ہی اپوزیشن الائنس ختم ہوا ہے۔ پی ڈی ایم نے رمضان المبارک کے بعداجلاس کافیصلہ کیاتھا جو آئندہ چند روزمیں منعقد ہوگا۔ پی ڈی ایم کے موقف میں بھی کوئی تبدیلی نہیں آئی ہے ، شاہد خاقان عباسی نے مسلم لیگ ن اور میرے موقف کو بیان کیا ہے ۔ لیگی نائب صدر نے مزید کہا کہ حکومت چار سال سے بس پلان بناتی جارہی ہے مگر عملاً کچھ بھی نہیں کرسکی ، آپ میرے ساتھ کسی بھی بازار میں چلیں میں دکھاتی ہوں آپ کو کہ لوگ کیسے حکومت کو برا بھلا کہ رہے ہیں ، ہرطبقہ مہنگائی سے متاثرہے، لوگ تباہ حال ہو گئے ہیں اور عمر ان خان کو بد دعائیں دے رہے ہیں۔ دارلحکومت میں چندسٹالزخالی کراکردورہ کرنے سے مہنگائی کے حالات کاپتہ نہیں چلتا،جھوٹ بول کرگروتھ کے اعدادوشماردیئے جارہے ہیں۔ مریم نواز نے مزید کہا کہ پنجاب حکومت کو گرانے کے لئے ہمیں کسی نمبر کی ضرورت نہیں ہمارے پاس پہلے ہی نمبرز سے زیادہ تعداد موجود ہے۔

___________________________________________________

چوہدری نثار کو پنجاب اسمبلی کی رکنیت کا حلف کیوں نہ اٹھانے دیا

چودھری نثار حلف نہ اٹھا سکے لیکن حلف اٹھانے کا فیصلہ اب کیوں کیا؟ کھل کر بول پڑے

شہر قائد میں شہریوں کو رات 8 بجے کے بعد باہر نکلنے کی اجازت نہیں ہوگی ، نیا حکم نامہ جاری