ڈپٹی اسپیکر قومی اسمبلی قاسم سوری مستعفی

0

قومی اسمبلی کے ڈپٹی اسپیکر قاسم سوری نے اپنے عہدے سے استعفیٰ دے دیا۔

ذرائع نے بتایا ہے کہ ڈپٹی اسپیکر قومی اسمبلی قاسم سوری کا استعفیٰ سیکریٹری قومی اسمبلی کے دفتر کو موصول ہو گیا ہے۔

قاسم سوری کے استعفے کا متن

قاسم سوری کا کہنا ہے کہ ڈپٹی اسپیکر کے عہدے سے استعفیٰ پارٹی وژن کے مطابق دیا، استعفیٰ پارٹی کی جمہوریت کے ساتھ اس کی وابستگی کی علامت ہے۔

انہوں نے کہا کہ پاکستان کی خود مختاری اور سالمیت پر کبھی سمجھوتہ نہیں کریں گے، ملک کی آزادی کے تحفظ کے لیے کسی بھی حد تک جائیں گے۔

قاسم سوری کے خلاف تحریکِ عدم اعتماد

واضح رہے کہ ڈپٹی اسپیکر قومی اسمبلی قاسم سوری کے خلاف تحریکِ عدم اعتماد پر آج ووٹنگ ہونی تھی، اس سلسلے میں قومی اسمبلی کا اجلاس آج 12 بجے پارلیمنٹ ہاؤس میں سابق اسپیکر اور پینل آف چیئرمین ایاز صادق کی زیرِ صدارت ہونا تھا۔

حکومتی اتحاد کے 159 اراکین کی جانب سے قاسم سوری کے خلاف تحریک پیش کی گئی تھی، قومی اسمبلی کے قاعدہ 12 کے تحت ڈپٹی اسپیکر کی برطرفی کی کارروائی کی جانی تھی۔

قومی اسمبلی کے ذرائع کا کہنا ہے کہ ڈپٹی اسپیکر کے استعفے کے بعد تحریکِ عدم اعتماد پر ووٹنگ کی ضرورت نہیں ہو گی۔

ذرائع کا کہنا ہے کہ نو منتخب اسپیکر آج اپنے انتخاب کے بعد قاسم سوری کے استعفے کی منظوری کا فیصلہ کریں گے۔

ایاز صادق نے بھی اسپیکر کیلئے کاغذات جمع کرائے

اسمبلی ذرائع کے مطابق گزشتہ روز پاکستان پیپلز پارٹی کے رہنما، سابق وزیرِ اعظم راجہ پرویز اشرف اور مسلم لیگ ن کے رہنما ایاز صادق نے اسپیکر قومی اسمبلی کے لیے کاغذاتِ نامزدگی جمع کرائے تھے۔

اسمبلی ذرائع کے مطابق وقت ختم ہونے سے 2 منٹ پہلے ایاز صادق نے کاغذاتِ نامزدگی جمع کرائے تھے۔

مسلم لیگ ن کے ذرائع کا کہنا ہے کہ سابق اسپیکر ایاز صادق آج اپنے کاغذات واپس لے لیں گے، یہ حکومتی حکمتِ عملی کا حصہ ہے۔

پرویز اشرف کے بلا مقابلہ اسپیکر منتخب ہونے کا امکان

ذرائع ن لیگ کا یہ بھی کہنا ہے کہ ایاز صادق کی جانب سے کاغذات واپس لینے پر راجہ پرویز اشرف بلا مقابلہ اسپیکر منتخب ہو جائیں گے۔

__________________________________________________________________

اسلام قبول کرنے والے جنوبی کورین یوٹیوبر نے عمرہ کرلیا

وفاقی کابینہ کے حوالے سے مجوزہ نام سامنے آگئے

جواب چھوڑیں

آپ کا ای میل ایڈریس شائع نہیں کیا جائے گا.