پاکستان تحریک انصاف (پی ٹی آئی) کے رہنما فواد چوہدری نے عمران خان کی گرما گرم تقریر کے بعد اس کی وضاحت کر دی۔

ایک نجی چینل سے بات کرتے ہوئے فواد چوہدری نے کہا کہ ہم فوج سے اچھے تعلقات چاہتے ہیں، عمران خان کی تقریر کا ایک پس منظر ہے۔

انہوں نے کہا کہ خرم دستگیر نے کہا تھا انہیں کہا گیا کہ عمران خان اپنی مرضی کا آرمی چیف لائے گا۔

فواد چوہدری کا کہنا ہے کہ اس وقت آئی ایس پی آر کو خرم دستگیر کو شٹ اپ کال دینی چاہیے تھی۔

واضح رہے کہ گزشتہ روز  چکوال جلسے خطاب کرتے ہوئے  پاکستان تحریک انصاف (پی ٹی آئی) کے چیئرمین اور سابق وزیر اعظم عمران خان نے کہا تھا کہ گمنام نمبروں سے دھمکیاں دینے کے لیے فون آتا ہے، مسٹر ایکس اور مسٹر وائے لوگوں کو دھمکیاں دیتے ہیں۔

انہوں نے کہا کہ خفیہ نمبروں سے ڈرانے والے کہتے ہیں کہ یہ کر لوں گا وہ کر لوں گا، ان سے کہتا ہوں کہ جو کرنا ہے کرو، ہم بھی کریں گے۔

وزیر اعظم پر طنز کرتے ہوئے بولے صدر پیوٹن کے سامنے شہباز شریف کی کانپیں ٹانگ رہی تھیں، شہباز شریف نے یو این سیکرٹری جنرل سے جو باتیں کیں وہ کسی وزیر اعظم کو زیب نہیں دیتیں۔

__________________________________________________________________

آرمی چیف کا تقرر آئین کے مطابق ہوگا، مولانا فضل الرحمٰن