افغان طالبان نے کابل میں اپنی جیت کا جشن کیسے منایا؟
افغانستان کے دارالحکومت کابل سے 20 سال بعد امریکا کے آخری طیارے کے اڑان بھرنے کے بعد آتش بازی ، فائرنگ اور سجدہ شکر بجا لا کرافغان طالبان نے اپنی جیت کا جشن منایا۔
امریکی سینٹرل کمانڈ کے کمانڈر جنرل میکنزی نے بھی افغانستان سے امریکی افواج کا انخلاء مکمل ہونے کی تصدیق کی۔
فغان اردو کے ٹوئٹر اکاؤنٹ پر ایئرپورٹ سمیت پورے کابل میں جشن کی ویڈیوز اور تصاویر شیئر کی گئیں ۔
شاندار آتش بازی کی ایک تصویر شیئر کرتے ہوئے ٹوئٹ میں بتایا گیا کہ ’جشن فتح سے کابل کا آسمان روشن ہے۔‘
ٹوئٹ میں مزید لکھا گیا کہ ’کابل ایئرپورٹ سے آخری امریکی طیارے کے اڑان بھرنے کے بعد رات کے اس پہر جشن فتح سے آسمان روشن کر دیا ہے۔‘
طالبان سجدہ شکر ادا کرتے ہوئے
کابل سے آخری امریکی فوجی کے نکلنے سے جہاں جشن فتح منایا گیا، وہیں طالبان نے سڑکوں پر سجدہ شکر ادا کیا اور نعرہ تکبیر اللہ اکبر کے نعرے لگائے pic.twitter.com/Y2orZRMlxT— افغان اردو (@AfghanUrdu) August 30, 2021
__________________________________________________________________
افغانستان چھوڑنے والے آخری امریکی فوجی کی تصویر منظرِ عام پر
پاکستان نے امریکی فوج کی درخواست منظور کرلی