کراچی سے جڑے بلوچستان کے صنعتی شہر حب میں ایک کار بم دھماکے میں مقامی ٹی وی کے رپورٹر جاں بحق ہوگئے۔
پولیس کے مطابق دھماکا حب میں تھانے کے قریب ایک کار میں ہوا، جس میں مقامی ٹی وی کے رپورٹر شاہد زہری اپنے ساتھی کے ہمراہ موجود تھے۔
ابتدائی طور پر دھماکا سی این جی سلنڈر پھٹنے سے بتایا گیا مگر بعد ازاں پولیس اور بم ڈسپوزل اسکواڈ نے موقع پر پہنچ کر تصدیق کی کہ دھماکا بم پھٹنے سے ہوا جو مبینہ طور پر کار میں پھینکا گیا، تاہم اس سلسلے میں تصدیق نہیں ہوسکی۔
حب پولیس کے مطابق دھماکے کے نتیجے میں زخمی ہونے والے دونوں افراد کو سول اسپتال حب پہنچایا گیا، جہاں سے شدید زخمی صحافی شاہد زہری کو کراچی کے سول اسپتال منتقل کیا گیا۔
ایدھی فاؤنڈیشن کے ترجمان کے مطابق سول اسپتال کراچی کے ٹراماسنٹر منتقل کیے جانے تک صحافی شاہد زہری جاں بحق ہو چکے تھے۔
پولیس اور متعلقہ ادارے اس واقعے کی مزید تحقیقات کر رہے ہیں۔
_____________________________________________________________
یاد ہے عمران خان قرض لینے پر خودکشی کا کہا تھا، رانا تنویر حسین
انٹرنیشنل کرکٹ کونسل نے ٹی ٹوئنٹی ورلڈکپ کی انعامی رقم کا اعلان کردیا
دبئی میں 500 کلو سے زائد کوکین اسمگل کرنے کی کوشش ناکام بنادی گئی