عمران خان کو سیاست دان نہیں سمجھتا ہوں، اس سے بات نہیں کریں گے زمان پارک میں ڈرامہ لگا ہوا ہے۔آصف علی زرداری
اسلام آباد( اردو خبریں نیوز ڈیسک )سابق صدر اور پیپلز پارٹی کے شریک چیئرمین آصف علی زرداری نے کہا ہے کہ عمران خان کو سیاستدان ہی نہیں سمجھتا۔انہوں نے کہا کہ ہم اتحادی ہیں جو فیصلہ اکثریت کا ہوگا اسے دیکھنا پڑے گا، نواز شریف کی واپسی ان کا اپنا مسئلہ ہے۔
سابق صدر نے کہا کہ پی ٹی آئی چیئرمین کو سیاست دان نہیں سمجھتا ہوں، عمران خان سے بات نہیں کریں گے، زمان پارک میں ڈرامہ لگا ہوا ہے۔
ان کا کہنا تھا کہ شبلی فراز اور پولیس والے زمان پارک کے گھر میں بستر کے نیچے دیکھتے تو عمران خان مل جاتا۔۔نجی ٹی وی کو دیے گئے انٹرویو میں آصف علی زرداری نے کہا کہ الیکشن ہوئے تو ضرور حصہ لیں گے، وزیراعظم شہباز شریف سے ملاقات میں انتخابات پر کوئی بات نہیں ہوئی۔آصف علی زرداری نے مزید کہا کہ مفتاح اسماعیل کو ہٹانا مسلم لیگ (ن) کا اپنا فیصلہ تھا، کسی کے فون پر پرویز الہٰی نے اپنا سیاسی کیریئر داؤ پر لگا دیا۔سابق صدر نے یہ بھی کہا کہ نیب اور کاروبار ایک ساتھ نہیں چل سکتے، شہباز شریف کو وزیراعظم بنایا ہے ان کے ساتھ کھڑے ہیں۔