ایٹمی دھماکوں پر خود کو کریڈیٹ دیتا ہوں
سابق وزیرِ داخلہ شیخ رشید نے کہا ہے کہ ایٹمی دھماکوں پر راجہ ظفر الحق، گوہر ایوب اور خود کو کریڈیٹ دیتا ہوں۔
سماجی رابطے کی ویب سائٹ ٹوئٹر پر جاری کیے گئے بیان میں شیخ رشید نے کہا ہے کہ آج جو فصل ن لیگ بو رہی ہے کل اُسے کاٹے گی۔
ان کا کہنا ہے کہ سیاسی جماعت کوئی شوگر فیکٹری نہیں ہوتی عوام کے دلوں میں ہوتی ہے، قصور کا بریانی جلسہ لال حویلی کا کچھ نہیں بگاڑ سکتا۔
شیخ رشید نے کہا کہ یومِ تکبیر کے ایٹمی دھماکوں پر راجہ ظفرالحق، گوہر ایوب اور خود کو کریڈیٹ دیتا ہوں، باقی ساری کابینہ نواز شریف سمیت دھماکوں کی مخالف تھی۔
سیاسی جماعت کوئی شوگرفیکٹری نہیں ہوتی عوام کےدلوں میں ہوتی ہےآج جون لیگ فصل بورہی ہےکل اُسےکاٹے گی قصورکابریانی جلسہ لال حویلی کاکچھ نہیں بگاڑسکتایوم تکبیرکےایٹمی دھماکوں پرراجہ ظفر الحق گوہرایوب اورخودشیخ رشیدکوکریڈیٹ دیتاہوں باقی ساری کابینہ نواز شریف سمیت دھماکوں کی مخالف تھی
— Sheikh Rashid Ahmed (@ShkhRasheed) May 28, 2023
ان کا کہنا ہے کہ جن کا جینا مرنا پاکستان میں ہے اُن کے نام ای سی ایل میں ڈالے جا رہے ہیں، جن سزا یافتہ مجرموں کی جائیدادیں اور اولاد بیرونِ ملک ہیں ان کو سفارتی پاسپورٹ دیا گیا۔
عوامی مسلم لیگ کے سربراہ نے کہا کہ جب اقتدار کے باہر ہوتے ہیں تو نجی جہازوں سے بھاگتے ہیں، ان کو ای سی ایل میں ڈالنا چاہیے، 13 جماعتوں کے لیڈر نیلامی میں اور عوام پریشانی میں ہیں۔
اداروں سےدرخواست ہےکہ9مئی کی غیرجانبدارتحقیقات کرائی جائیں جو بھی ملوث ہےاُسےسخت سزادی جائےلیکن کس کےکہنےپرپولیس خواب خرگوش سوئی رہی یہ سب سےاہم ترین سوالیہ نشان ہےاس کی بھی تحقیقات ہو کوئی بھی محب وطن پاکستانی اپنی فوج کے خلاف نہیں ہوسکتالیکنPDMکےچوروں کےساتھ بھی کھڑانہیں ہوسکتا
— Sheikh Rashid Ahmed (@ShkhRasheed) May 28, 2023
ان کا مزید کہنا ہے کہ 9 مئی کی غیرجانبدار تحقیقات کرائی جائیں، جو ملوث ہے اُسے سخت سزا دی جائے، کس کے کہنے پر پولیس سوئی رہی؟ یہ اہم ترین سوالیہ نشان ہے، اس کی تحقیقات ہونی چاہیے۔
سابق وفاقی وزیر شیخ رشید نے یہ بھی کہا ہے کہ کوئی بھی محبِ وطن پاکستانی اپنی فوج کے خلاف نہیں ہو سکتا اور پی ڈی ایم کے چوروں کے ساتھ بھی کھڑا نہیں ہو سکتا۔
__________________________________________________________________
سونے کی فی تولہ قیمت 450 روپے بڑھ گئی
100 سے زائد پی ٹی آئی رہنماؤں کا جہانگیر ترین سے رابطہ، ملاقاتیں، ذرائع