تحریک منہاج القرآن کے سربراہ ڈاکٹرطاہر القادری نے کہا ہے کہ ظالموں کی حکومت میں انصاف نہ ملنا تو سمجھ میں آتا ہے لیکن عمران خان ہمارے ساتھ یکجہتی کرتے ہوئے کہا کرتے تھے کہ وہ انصاف دلائیں گے ،انہوں نے انصاف تو دور کی بات کبھی شہدا ءکے لئے تین سالوں میں ہمدردی کا ایک بول نہیں بول سکے،عمران خان کو بزدل حکمران سمجھتے ہیں ،اگر انصاف نہ ملا تو اگلا ہدف اسلام آباد ہو گا۔پاکستان عوامی تحریک کے کارکنوں کے ظفروال بائی پاس سے چوک فاروقی حسینی تک شہدا ئے سانحہ ماڈل کے حق میں احتجاجی مظاہرہ سے ویڈیو لنک خطاب کرتے ہوئے ڈاکٹر طاہر القادری نے کہا کہ عمران خان اگر یہ کہیں کہ عدالتیں ان کے اختیار میں نہیں ہیں تو جو ان کے دائرہ اختیار میں ہے وہ افسران اور ملازمین جو ملوث ہیں ان کو برطرف کرکے سزا دلوا سکتے ہیں لیکن انہوں نے جو وعدہ کیا وہ وفا نہیں کیا ،سات سال گزر گئے شہدا ءماڈل ٹاؤن کو انصاف نہیں ملا۔
سانحہ ماڈل ٹاؤن کے شہداء ک ساتویں برسی کے موقع پر پاکستان عوامی تحریک کراچی کی جانب سے سانحہ ماڈل ٹاؤن کے انصاف اور غیر جانبدار جے آئی ٹی کی بحالی کے لیے کیے جانے والے احتجاجی مظاہرے میں ڈاکٹر فاروق ستار شرکت کی اور مظاہرین سے اظہارِ ہمدردی کی.