بھارت پھر بیچ میں آگیا، ملتان سلطانز تین ویسٹ انڈین پلیئرز کی خدمات سے محروم
پاکستان سپر لیگ (پی ایس ایل) کے ساتویں ایڈیشن کے لیے ملتان سلطانز کی ٹیم تین ویسٹ انڈین پلیئرز کی خدمات سے محروم ہوگئی۔
سلطانز اسکواڈ میں شامل راومن پاول، اوڈین اسمتھ اور ڈومینک ڈریکس بھارت کے خلاف سیریز کے لیے منتخب ہوگئے ہیں، ویسٹ انڈین ٹیم فروری کے پہلے ہفتے میں بھارت کا دورہ کرے گی۔
راومن پاول کے کوور کے طور پر شامل جونسن چارلس اب پورا پی ایس ایل کھیلیں گے، اوڈین اسمتھ کا کوور ڈومینک ڈریکس تھے، دونوں پلیئرز دورہ بھارت کے لیے منتخب ہوگئے۔
ذرائع کا کہنا ہے کہ ملتان سلطانز ممکنہ طور پر ایک متبادل کھلاڑی کی درخواست کرسکتا ہے۔
__________________________________________________________________
وزیرِ اعظم عمران خان کا کینیڈین ہم منصب جسٹن ٹروڈو کے بیان کا خیر مقدم