اسرائیلی بمباری سے غزہ میں 52ہزار فلسطینی بے گھر ہو گئے
اسرائیلی بمباری سے غزہ میں 52ہزار فلسطینی بے گھر ہو گئے
اسرائیلی بمباری اور پرتشدد کارروائیوں کے نتیجے میں اب تک غزہ میں 52 ہزار
سے زائد فلسطینی بے گھر ہو چکے ہیں اور 450 عمارات مکمل طور پر تباہ ہو گئی ییں اور یا پھر انہی بہت بری طرح نقصان پہنچا ہے۔عالمی خبر رساں ایجنسی روئٹرز کے مطابق اقوام متحدہ کے ادارے کوآرڈینیشن آف ہیومینیٹیرین افیئرز کی ترجمان جینز لائرکے نے کہا ہے کہ بے گھر ہونے والے 47 ہزار افراد نے غزہ میں اقوام متحدہ کے 58 سکولوں میں پناہ لے رکھی ہے۔انہوں نے کہا ہے کہ 132 عمارات مکمل طور پر تباہ ہوچکی ہیں اور 316 بری طرح متاثر ہیں۔ ان میں سے چھ ہسپتال، نو پرائمری ہیلتھ کیئر سینٹرز اور واٹر پلانٹس بھی شامل ہیں جن کی وجہ سے دو لاکھ 50 ہزار افراد پانی تک سے محروم ہوگئے ہیں۔جینز لائرکے نے کہا ہے کہ اقوام متحدہ اور اس کے شراکت دار بے گھر ہونے والے افراد تک خوراک اور دیگر ضروری سامان پہنچانے کی کوشش کر رہے ہیں۔
_________________________________________________