کراچی کے علاقے صدر میں ایک موبائل فون کمپنی میں ڈکیتی کی بڑی واردات کی سی سی ٹی وی فوٹیج سامنے آگئی ہے۔

سی سی ٹی وی فوٹیج میں دیکھا جا سکتا ہے کہ عمارت کی بالائی منزل پر 4 ملزمان سیڑھی کے راستے آتے ہیں، چاروں ملزمان زینے میں کھڑے ہو کر منصوبہ بندی کرتے ہیں۔

اس دوران سامنے کے دفتر کا لڑکا منظر دیکھنے لگتا ہے تو واردات کا آرگنائزر مسلح شخص اسے بھی ساتھ لے جاتا ہے۔

3 ملزمان واردات کر رہے ہوتے ہیں تو چوتھا قمیض شلوار پہنا شخص نگرانی کرتا نظر آتا ہے۔

واضح رہے کہ ڈکیتی کی اس واردات میں ملزمان ویگو ٹیل موبائل کمپنی کے دفتر سے 46 لاکھ 60 ہزار روپے سے زائد رقم جبکہ 77 لاکھ روپے سے زائد کے چیک لے گئے ہیں۔

پریڈی پولیس نے واردات کا مقدمہ نمبر 22/22 محمد رفیق کی مدعیت میں زیر دفعہ 392، 397 اور 34 درج کرلیا ہے۔

__________________________________________________________________

نیب افسر کو عدالت میں فون پر بات مہنگی پڑ گئی

نواز شریف عدم واپسی، شہباز شریف کی نااہلی کیلئے عدالت سے رجوع کا فیصلہ