کراچی پولیس چیف غلام نبی میمن کو عہدے سے ہٹا دیا گیا

On مئی 10, 2021

سربراہ کراچی پولیس غلام نبی میمن کو عہدے سے ہٹا کر عمران یعقوب منہاس کو

تعینات کیا گیا ہے۔ تفصیلات کے مطابق کراچی پولیس چیف غلام نبی میمن کو عہدے

سے ہٹاکر اے آئی جی اسپیشل برانچ تعینات کردیا گیا ہے جب کہ عمران یعقوب منہاس

نئے پولیس چیف کراچی تعینات کردیے گئے ہیں۔ نئے پولیس چیف کی تعیناتی سے

متعلق نوٹیفیکیشن بھی جاری کردیا گیا ہے۔

غلام نبی میمن کو کراچی پولیس کے سربراہ کے عہدے سے ہٹانے کی وجہ سامنے

نہیں آئی۔ یاد رہے کہ دو ماہ قبل وفاق نے کراچی پولیس چیف غلام نبی میمن کی خدمات

واپس مانگتے ہوئے چیف سیکرٹری سندھ کو خط لکھ دیا تھا۔ خط میں لکھا گیا تھا کہ

غلام نبی میمن کی خدمات انٹیلی جنس بیورو سے 22 مئی 2019ء کو سندھ حکومت

کے حوالے کی گئیں، غلام نبی میمن 16 سال سے سندھ کی جغرافیائی حدود میں

خدمات انجام دے رہے ہیں، گریڈ 22 میں ترقی کے لیے بھی ان کی خدمات وفاقی

حکومت کے حوالے کرنا فائدہ مند ہوگا۔

غلام نبی میمن کو کراچی پولیس چیف کے عہدے سے ہٹا کر اے آئی جی اسپیشل برانچ

تعینات کر دیا گیا ہے۔