مرتضیٰ وہاب نے میئر اور سلمان عبداللّٰہ نے ڈپٹی میئر کا حلف اٹھا لیا

پاکستان پیپلز پارٹی (پی پی پی) کے رہنما بیرسٹر مرتضیٰ وہاب نے میئر اور سلمان عبداللّٰہ نے ڈپٹی میئر کراچی کا حلف اٹھا لیا، الیکشن کمشنر سندھ اعجاز چوہان نے حلف لیا۔

کراچی کے پولو گراؤنڈ میں ہونے والی حلف برداری کی تقریب میں چیئرمین پیپلز پارٹی بلاول بھٹو زرداری اور وزیر اعلیٰ سندھ سید مراد علی شاہ سمیت صوبائی وزراء اور مشیر بھی تقریب میں موجود تھے۔

میئر کراچی مرتضیٰ  وہاب نے کہا کہ پیپلز پارٹی کی خدمت کے منشور کو آگے لے کر جائیں گے، عوام دوست منشور کیلئے اپنا کردار ادا کریں گے اور کراچی میں حقیقی مثبت تبدیلی لائیں گے۔

نو منتخب میئر کراچی بیرسٹر مرتضیٰ وہاب اور ڈپٹی میئر کراچی سلمان عبداللہ مراد کی حلف برداری کی تقریب پیر کی شام گلشن جناح(پولو گراؤنڈ) میں منعقد ہوئی جس میں الیکشن کمشنر سندھ اعجاز چوہان نے میئر کراچی اور ڈپٹی میئر کراچی سے ان کے عہدے کا حلف لیا،#Karachi#MayorKarachi #kmc pic.twitter.com/JGoCTWK1Rx

— Karachi Metropolitan Corporation (@KmcPakistan) June 19, 2023