این اے 75 ڈسکہ میں 7000 ووٹوں سے ضمنی الیکشن جیت لیا
اسلام آباد وفاقی وزیر اطلاعات سینیٹر شبلی فراز نے دعویٰ کیا ہے کہ این اے 75 ڈسکہ میں 7000 ووٹوں سے ضمنی الیکشن جیت لیا۔ سماجی رابطوں کی ویب سائٹ ٹوئٹر پر اپنے ایک بیان میں وفاقی وزیر اطلاعات نے کہا کہ این اے 75 ڈسکہ سے موصول ہونے والے نتائج بتا رہے ہیں کہ پاکستان تحریک انصاف نے ضمنی الیکشن 7000ووٹوں سے جیت لیا ، جب کہ ماضی میں ہماری جماعت اس حلقہ میں 30000 ووٹوں کے فرق سے انتخاب میں شکست کا سامنا کرنا پڑا تھا۔
یاد رہے کہ الیکشن کمیشن آف پاکستان نے قومی اسمبلی کے حلقہ این اے 75 ڈسکہ میں ضمنی انتخاب کا غیر حتمی سرکاری رزلٹ روک لیا جب کہ پی ٹی آئی اور مسلم لیگ ن کے فتح کے دعوے کررہے ہیں ، نجی ٹی وی کی رپورٹ کے مطابق گذشتہ روز ڈسکہ سے قومی اسمبلی کے نشست این اے 75 پر ضمنی انتخاب ہوا تھا ، حلقے میں تحریک انصاف کے علی اسجد ملہی اور ن لیگی امیدوار سیدہ نوشین افتخار کے درمیان کانٹیدار مقابلہ ہوا تھا ، 20 پولنگ اسیٹشنز کا عملہ رزلٹ کے ہمراہ ریٹرننگ افسر کے پاس نہیں پہنچ سکا تھا جس کی وجہ سے رات گئے تک مکمل رزلٹ سامنے نہیں آ سکے تھے۔