وزیراعظم گندم کی خریداری کےاہداف پورے نہ کرنے پر برہم
وزیراعظم شہباز شریف صوبوں کو گندم کی خریداری کے لئے دیےگئے اہداف پورے نہ کرنے پر برہم ہوگئے۔
وزیر اعظم شہباز شریف نے گندم کی صورتحال پر ہنگامی اجلاس بلا یا، صوبائی چیف سیکریٹریز ویڈیو لنک کے ذریعے اجلاس میں شریک ہوئے۔
اجلاس میں وفاقی وزراء طارق بشیرچیمہ، مریم اورنگزیب، متعلقہ ڈویژنز اور محکموں کے افسران بھی شریک ہوئے۔
شہباز شریف نے گندم کی خریداری کے اہداف پورے نہ ہونے پر اظہار برہمی کرتے ہوئے کہا کہ ملک میں وافر مقدار کی گندم موجود ہے، صوبے ذخیرہ اندوزی کے خلاف اقدامات کریں۔
انہوں نے کہا کہ عوام کو مشکل میں نہیں ڈالا جاسکتا۔
وزیر اعظم نے تمام یوٹیلیٹی اسٹورز پر آٹے کی دس کلو قیمت 490 روپے برقرار رکھنے کی ہدایت کی۔
انہوں نے کہا کہ وفاقی حکومت ہر صورت کم قیمت پر آٹا فراہم کرے گی۔
انہوں نے صوبوں کو یکم جون تک گندم خریداری کے اہداف پورے کرنے کی بھی ہدایت کی۔
وزیر اعظم شہباز شریف نے کہا کہ سیاست سے بالاتر ہو کر وفاقی حکومت خیبرپختونخوا حکومت کی بھی ہر ممکن مدد کرے گی، غریب عوام کی خدمت اولین فریضہ ہے۔
__________________________________________________________________
آرٹیکل 63 اے کی تشریح، کارروائی کل مکمل کرنا چاہتے ہیں، سپریم کورٹ