وزیراعظم عمران خان نے شاہی قلعہ لاہور کی تازہ تصاویر شیئر کردیں
وزیراعظم عمران خان نے شاہی قلعہ لاہور کی تصاویر شیئر کردیں، انہوں نے کہا کہ
قلعہ نئی نسلوں کیلئے بحال اورمحفوظ بنا دیا گیا ہے، حکومت تمام تاریخی مقامات کو
محفوظ اور بحال کرے گی۔ انہوں نے ٹویٹر پر اپنے پیغام میں کہا کہ لاہور قلعہ نئی
نسلوں کیلئے بحال کر دیا گیا ہے اور قلعے کو محفوظ بنا دیا گیا ہے۔
حکومت تمام تاریخی مقامات کو محفوظ بنانے کے ساتھ بحال بھی کرے گی۔ وزیراعظم
نے شاہی قلعہ لاہور کی تازہ ترین تصاویر بھی شیئر کیں، جس میں قلعے کی
خوبصورتی کو بحال اور مزید محفوظ بنایا گیا ہے۔
Lahore Fort has been restored and preserved for our future generations. My government intends to eventually preserve and restore all our historical sites. pic.twitter.com/NXyal9puKN
— Imran Khan (@ImranKhanPTI) June 18, 2021
واضح رہے 10 اکتوبر2020ء میں وزارت سیاحت پنجاب نے شاہی قلعہ لاہور اور اس
سے ملحقہ تاریخی عمارتوں پر واقعہ تاریخی نقوش بحال کرنے کا فیصلہ کیا تھا اور
اس سلسلے میں فرانس کے متعلقہ ادارے نے پنجاب حکومت کو اپنے مکمل تعاون کا
یقین دلایا ہے۔
یہ بھی بتایا گیا ہے کہ تاریخی عمارتوں کے مندہم تاریخی نقوش کی بحالی پر آنے والے
اخراجات فرانس کا مجوزہ ادارہ برداشت کرے گا۔ اسی طرح گزشتہ سال 18 اگست میں
وفاقی حکومت نے لاہور کے بڑے منصوبے کی منظوری دی تھی جس کے تحت 3
ارب 65 کروڑ روپے لاگت سے شاہی قلعہ کی بحالی اور اطراف کے علاقے کو
بفرزون بنایا جائے گا۔ فرنچ ایجنسی کی جانب سے شاہی قلعہ کی بحالی اور اطراف کو
بفرزون بنانے کے لئے آسان اقساط پر قرض دینے کی پیشکش کی گئی تھی جس پر
پنجاب حکومت کی جانب سے منصوبے کا پی سی ون تیار کرکے منظوری کے لئے
وفاقی حکومت کو بھجوایا گیا تھا۔
ذرائع کے مطابق جہانگیر کی خواب گاہ اور شیش محل کے نیچے چھپے مقامات کی
تلاش کی جائے گی، اس کے علاوہ دیوان عام اور پرانے اکبری گیٹ کو اصل شکل میں
بحال کیا جائے گا، قلعہ میں ایک میوزیم اور ترجمان سنٹر بھی قائم کیا جائے گا، شاہی
قلعہ کے عقب میں موجود رم مارکیٹ کو کالا شاہ کاکو جی ٹی روڈ پر منتقل کردیا
جائے گا۔
___________________________________________________
وفاقی حکومت کی قرض اور سود کی ادائیگی پر خرچ رقم کی تفصیلات سامنے آگئیں
بجلی صارفین خوش ہوجائیں، فی یونٹ قیمت میں کمی کا امکان روشن ہوگیا
اپوزیشن نے بجٹ روکنے کیلئے بلوچستان اسمبلی کو تالے لگادیے، پولیس سے جھڑپیں