پنجاب اور خیبر پختونخوا میں انتخابات میں تاخیر پر چیف جسٹس آف پاکستان نے از خود نوٹس لے لیا
اسلام آباد (اردوخبریں نیوزڈیسک)پنجاب اور خیبر پختونخوا میں انتخابات میں تاخیر کے معاملے پر چیف جسٹس آف پاکستان جسٹس عمر عطا بندیا ل نے از خود نوٹس لے لیا ۔ جیو نیوز کے مطابق چیف جسٹس نے کیس کی سماعت کے لیے 9 رکنی بینچ تشکیل دے دیا ہے جو کل دوپہر 2 بجے کیس کی سماعت کرے گا۔ بینچ کی سربراہی چیف جسٹس آف پاکستان کریں گے ۔چیف جسٹس کی سربراہی میں بننے والے بینچ میں جسٹس اعجاز الاحسن، جسٹس منصور علی شاہ، جسٹس منیب اختر، جسٹس یحییٰ آفریدی، جسٹس جمال خان مندوخیل ، جسٹس محمد علی مظہر ,جسٹس مظاہرعلی اکبرنقوی اور جسٹس اطہر من اللہ شامل ہیں۔سپریم کورٹ سے جاری ہونیوالے اعلامیے کے مطابق ازخود نوٹس تین سوالات پر لیا گیا۔ ازخودنوٹس میں دیکھا جائے گا کہ انتخابات کی تاریخ دینا کس کا اختیار ہے؟ انتخابات کرانےکی آئینی ذمہ داری کس نے اورکب پوری کرنی ہے؟ دیکھاجائے گا کہ فیڈریشن اور صوبوں کی آئینی ذمہ داری کیا ہے؟ واضح رہے کہ تحریک انصاف کی حکومت کی جانب سے دونوں صوبائی اسمبلیاں تحلیل کردی گئی تھیں لیکن گورنرز اور الیکشن کمیشن نے تاحال انتخابات کی تاریخ کا اعلان نہیں کیا ، جس کے بعد صدر مملکت عارف علوی کی جانب سے پنجاب اور خیبر پختونخوا میں 9 اپریل کو انتخابات کروانے کا اعلان کردیا گیا تھا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ملتان نے مقابلے کے بعد کراچی کو 3 رنز سے ہرادیالاہور میں پاکستان تحریک انصاف کی جیل بھرو تحریک کا آغاز، قیدیوں کی گاڑی پہنچ گئی

آفتاب سلطان نے چیئرمین نیب کے عہدے سے استعفیٰ کیوں دیا؟