ملک بھر میں کورونا کی چوتھی لہر جاری ہے۔ پاکستان میں گزشتہ 24
گھنٹوں کے دوران کورونا وائرس کے 4 ہزار سے زائد نئے کیسز
رپورٹ ہوئے، گزشتہ روز مثبت کیسز کی شرح 8.61 فیصد رہی۔ کورونا
وائرس سے 40 افراد جاں بحق ہوگئے جس کے بعد اموات کی تعداد 23
ہزار 462 ہوگئی۔ پاکستان میں کورونا کے تصدیق شدہ کیسز کی تعداد
10 لاکھ 39 ہزار 695 ہوگئی۔نیشنل کمانڈ اینڈ آپریشن سینٹر کے تازہ
ترین اعدادوشمار کے مطابق گذشتہ 24 گھنٹوں کے دوران 4 ہزار 858
نئے کیسز رپورٹ ہوئے، پنجاب میں 3 لاکھ 57 ہزار 735، سندھ میں 3
لاکھ 85 ہزار 414، خیبر پختونخوا میں ایک لاکھ 44 ہزار 848،
بلوچستان میں 30 ہزار 502، گلگت بلتستان میں 8 ہزار 212، اسلام آباد
میں 88 ہزار 93 جبکہ آزاد کشمیر میں 24 ہزار 891 کیسز رپورٹ
ہوئے۔
ملک بھر میں اب تک ایک کروڑ 61 لاکھ 8 ہزار 532 افراد کے ٹیسٹ
کئے گئے، گذشتہ 24 گھنٹوں کے دوران 56 ہزار 414 نئے ٹیسٹ کئے
گئے، اب تک 9 لاکھ 43 ہزار 20 مریض صحتیاب ہوچکے ہیں جبکہ 3
ہزار 441 مریضوں کی حالت تشویشناک ہے۔
واضح رہے کہ پاکستان میں کورونا سے ایک دن میں 40 افراد جاں بحق
ہوئے جس کے بعد وائرس سے مرنے والوں کی تعداد 23 ہزار 462
ہوگئی۔ پنجاب میں 11 ہزار 67، سندھ میں 6 ہزار 21، خیبر پختونخوا
میں 4 ہزار 468، اسلام آباد میں 803، بلوچستان میں 328، گلگت
بلتستان میں 147 اور آزاد کشمیر میں 628 مریض جان سے ہاتھ دھو
بیٹھے۔دوسری جانب ملک بھر میں ویکسی نیشن کا عمل بھی جاری ہے۔
ملک بھر میں اب تک 2 کروڑ 40 لاکھ 86 ہزار 196 افراد کو ویکسین
کی ایک ڈوز جبکہ 65 لاکھ 3 ہزار 987 افراد کو ویکسین کی دونوں
ڈوزز لگائی جا چکی ہیں۔
___________________________________________
بھارت کشمیر پریمیئر لیگ کیخلاف روتا دھوتا آئی سی سی کے پاس جا
سیالکوٹ کپتان کا ، ن لیگ کو بڑا اپ سیٹ
نوجوان کی بکری سے شادی، ویڈیو وائرل ہوگئی
ترک صدر طالبان کا رویہ مسلمانوں والا نہیں، افغانستان سے قبضہ ختم کریں، افغانستان میں جنگ کا خدشہ